رثاء بالاخ العزيز الغالي غانم عبيد الرشيدي رحمه الله رحمه واسعه واسكنه فسيح جناته
ياليتني مافتحت الظهر جوالي
ولا قريت الرساله وش كتب فيها
جتني رساله وفيها فقدنا الغالي
والعين من موقها هلت عباريها
انشهد انه فقيده طيب الفالي
ياليله الحزن مدري ويش اسميها
من الفجيعه ببيتي كني لحالي
مما دهاني اخم القاع واخطيها
مرحوم يلي بقلبي منزله عالي
اغليه واغلي الدايار اللي وطا فيها
غانم حميد السجايا ذرب الافعالي
من لابتن ماتجنب عن مباديها
غانم كريم وتضرب فيه الامثالي
وافعاله النادره والناس تحكيها
ولو اذكر افعال غانم يابري حالي
عامين ولا ثلاثه مااقدر احصيها
يالله يالواحد المعبود ياالعالي
ياخالق الخلق رازقها ومحييها
عسى له بجنتك يارب منزالي
في جنه عاليه خضر روابيها
ووسع له القبر مد الشوف ياوالي
رحمتك يارب عبدك طامع فيها
الشاعر ، سعود بن مذكر السهلي