يا رفيقي
الشاعر/ احمد بن ادريس
س
يارفيقي وين صيفك مرتحل
في الديار او خارج الديره تدور
كان عني رحلتي في كل محل
في الخليج آهيم ما بين السطور
احتريك وما معي شيء احتريك
طوعني وإسمع من الصحبات شور
ج
يا رفيقي وش بلاك وما تقل
رح معي باريس خامات العطور
او تعال الشرق شتفات المقل
قعدتك وسط الدروب آقسى فتور
احتريك وما معي شيء احتريك
طوعني وإسمع من الصحبات شور
س
السعودية قطر وارض الكويت
والمنامه ومسقط وصرخة دبي
يا هواها كني من بيتن لبيت
لا جواز وكل هالعالم معي
احتريك وما معي شيء احتريك
طوعني وإسمع من الصحبات شور
ج
لو فتنك الزين ياخلي مشيت
الشقر والسمر في شمسن وفي
والجبل والبحر والخضره تبيت
والطبيعة وسحرها تسلب وعي
احتريك وما معي شيء احتريك
طوعني وإسمع من الصحبات شور
س
غرتك دنيا ومشهاتك تسير
والخليجيات يا ستر الدلال
ما سحرك الزين في سودة عسير
والعيون السود من خلف الظلال
احتريك وما معي شيء احتريك
طوعني وإسمع من الصحبات شور
ج
روح مالي ومال يا راعي الضمير
السؤال ودار ذا رد السؤال
عالمي يا عالم الافلاك غير
خارج الاوطان انا قلبي يطير
احتريك وما معي شيء احتريك
طوعني وإسمع من الصحبات شور