للشاعر علي فدعق الهاشمي أكابر  وابتسم وأضحك ولو هو  خاطري  مكسور ولا خلي    أحد   يدري   بهمٍ(ن) ساكنٍ(ن)  فيني وأجامل للعرب وأضحك وأسولف والحشا مقهور احس   بداخلي     نار   الاسا    بالجمر    تكويني وجرحي صعب تشخيصه ولا له في البشر دكتور ماغير   اللي   سكن  قلبي   بنظره  منه   تشفيني واسهر   مع  ظلام الليل واهوجس  مع  الديجور وتطري     لي صور   خلي  معا   بُعده     تسليني ألا ليت   الهوى    يوجد   لاهله  يابشر    دستور يسجل      في    قوانينه     مراجع     للمحبيني أنا وش حيلتي لاعشت في درب الهجر   مجبور قسم   بالله   ماودي   أبَـعِّـد  عن    نظر    عيني احس   العمر  بغيابه   يمر   اليوم   مثل   شهور احس   بغيبته  ضاعت  حياتي  و كامل اسنيني متى  شمس اللقاء تشرق متى  بيشع فينا النور ؟ بعد    ظلمه  وبالهجران   مع   ليلي     تماسيني انا    بصبر    على   همي  و أحزاني   ولو بتجور مقادير   الزمن    لو عطشتني   صعب    تسقيني ولابد     مااهد    الحزن  وبني   داخله   لي سور ابـ أرسم    به   مفاهيم   السعادة   مع   عناويني وابني  الحلم  بطموحي وحط الدور  فوق الدور لو ان    اليأس    لديار    العنا    دايم      يوديني أنا    وافي    وبأشل  الوفاء  لو صرت  انا مقبور عشان  إن   الوفاء    لامت     باخلاصه   يعزيني أكابر وابتسم وضحك ولو  هو  خاطر ي مكسور وأسلي النفس   بكتاب  الشعر   داخل  دواويني